من هي أسماء " إم مروان"

الاسم: أسماء ماهر صنوبر ناجي ام مروان


العمر:26 سنة


التخصص الدراسي: جامعة النجاح الوطنية _ كلية الشريعة _ أصول دين


العمل الحالي : ربة بيت


البلدة الأصلية: فلسطين نابلس


مكان الإقامة : السعودية الرياض

كيف جاءت فكرة انشاء المطبخ النابلسي ؟ والهدف منه؟

اول شي فكرة المطبخ كانت مش بهالحجم انا كنت ببروفايلي الخاص عاملة زي مطبخ انزل كل طبخة بعملها لانه كنت جديد بتعلم الطبيخ ومبسوطة على حالي

بليلة 12-1 كنت زهقانه وبدي اعمل شي وكتير من صديقاتي كانو بطلبو مني طرق اكل معين قلت بعمل صفحة وبسميها المطبخ النابلسي

والهدف منو كان تعليم الطبيخ بالذات للمبتدئات والي ما بحبوا الطبيخ

هل توقعت كل هذا النجاح للمطبخ؟

بصراحة لاء ما توقعت بالمرة

و ما هو سبب هذا النجاح الكبير والمحبة الكبيرة للمطبخ؟

ممكن اسم الصفحة انه المطبخ النابلسي والطبيخ النابلسي بشكل عام معروف انه زاكي ومحبوب للجميع وكمان شي التميز الكبير

باداء الصفحة

ما هي الرؤية المستقبلية للمطبخ في العام المقبل؟

ربنا يسهل الامور وان شاء الله بكبر وبصير موقع احنا نتحكم فيه ويكون المطبخ النابلسي موقع ضمن سلسلة مواقع تخص الاسرة

1- منذ متى تستخدمي الفيس بوك وما هي أهم أنشطتك عليه ؟
اول سنة كان لتواصل مع الاصدقاء والاقارب وكنت عاملة صفحتي زي المطبخ :)) بس طبخاتي كانو عليه
وحاليا اغلب النشاط على صفحة المطبخ النابلسي


2- كيف تعرفت على صفحة المطبخ النابلسي؟
بالصدفة ههههههه


4- هل تجيد الطهي وكيف تعلمته وأتقنته؟
الحمد لله
اتعلمتو من ماما الله يخليلي اياها انا كنت قبل ادخل المطبخ بس للاكل وكنت اخبص شوية حلويات
ولمن خلصت جامعة وصار عندي وقت فراغ صرت اتعلم من ماما واجرب بس كنت اطبخ بالشهر مرة ^_^ يعني مو دايما بس هلاء بعد الزواج كل يوم طبيخ




5-ما علاقة الطبخ بالثقافة والهوية الفلسطينية؟


الشعوب تختلف بثقافاتها ومن اهم الركائز في ثقافات الشعوب المطبخ الشعبي والاكلات الشعبية التي ترسم احد ملامح ثقافات الشعوب
وبالتركيز في مطبخنا النابلسي على رسم هذه الملامح مثمله بتنوع وتميز الطبق الفلسطيني فاننا نحاول ولو بالقليل اثبات هويتنا الفلسطينية كهوية راسخة وباقية الى الابد في مطبخنا النابلسي


6- كيف تنظر للمطبخ الفلسطيني مقارنةً بالمطابخ العربية والعالمية؟
مقارنه بالمطابخ العربية فهو مطبخ متنوع يجمع ما بين اللون السائد في المطبخ الشامي عموما والطابع العربي الشرقي خصوصا
اما بالنسبة للمطبخ العالمي فهو من احد المطابخ المتميزة على صعيد المذاق الشرقي المتميز من ضمن المذاقات المختلفة في العالم فهو بذلك يعطي لمحة موجزة عن المطبخ الشرقي مقارنه بالمطبخ الاوروبي
اجمل مطبخ اديش جربت اكل تاني بس ما بلاقي ازكى من اكلنا


8- ما هي ردة فعل الأهل والأقارب عندما يشاهدوك تصور كل وصفة وأكلة ؟ أذكر لنا بعض تعليقاتهم وهل حدثت أي مواقف طريفة وهل أصبحنا نصور كل شيء يختص بالطعام؟؟


اول ما اعمل شي طبعا قبل ما يدوقوه بحكولي يلا صوري وخلصينا هههه
هيك كانو اهلي بالبيت اما هلاء زوجي بردو نفس الشي بضل يستنى لعند ما اصور الاكله لانه عارف انه رح اصورها
بالنسبة الي صارت عادة اصور كل شي بخص الاكل ما بعرف لا ارادي


9-كيف توفق بين المطبخ النابلسي والاشراف عليه وباقي مشاغل الحياة؟


حاليا اصبح تفرغي للمطبخ اقل بقليل من اول انشاءه بسبب الانشغال بالبيت


10- اذكر لنا موقفاً طريفاً حدث لك ؟


سرقة صفحة المطبخ النابلسي ^_^


11- ما هي أمنيتك في هذه الحياة؟
بعد رضا اللله والوالدين والزوج ان اكون ام مثالية






12- ماذا تقول للمطبخ النابلسي وأعضائه في هذا اليوم ؟


كل عام وانتم بخير لا ينجح المطبخ الا بوجودكم ومشاركاتكم وروحكم الحلوة وطبخاتكم الاحلى